Me urdhër të Prokurorisë Publike Evropiane në Kroaci, ish-ministrja e Zhvillimit Rajonal dhe Fondeve të BE-së Gabriela Zalac, drejtori i Agjencisë Qëndrore për Financimin dhe Kontraktimin e Projekteve të BE-së Tomislav Petric si dhe dy zyrtarë të tjerë janë arrestuar nga policia kroate për mashtrim në ndarjen e fondeve të unionit.
Akuzat lidhen me një projekt të zhvillimit të softuerit me vlerë rreth 2 milionë euro, që ministria në vitin 2018 ia ndau një kompanie lokale.
Gabrijela Zalac, e cila drejtoi ministrinë e zhvillimit rajonal nga viti 2016 deri në mesin e 2019, dhe Tomislav Petric, kreu aktual i Agjencisë Qendrore të Financave dyshohet që kanë keqpërdorur fondet për interesat e tyre.
I pyetur për arrestimet, kryeministri i Kroacisë,Andrej Plenkovic tha se organet e drejtësisë po kryejnë punën e tyre.
ANDREJ PLENKOVIC
Advertisementgoogle_ad_client = "ca-pub-9470492314070355"; google_ad_slot = "5632655076"; google_ad_width = 300; google_ad_height = 250; google_page_url ="http://www.zhaku.net/";KRYEMINISTER I KROACISË
“Jam i befasuar nga ky lajm. Por organet e drejtësisë së pavarur po bëjnë punën e tyre.Detyra jonë është të luftojmë korrupsionin, por përveç kësaj nuk do të them asgjë më shumë”
Advertisementgoogle_ad_client = "ca-pub-9470492314070355"; google_ad_slot = "5632655076"; google_ad_width = 300; google_ad_height = 250; google_page_url ="http://www.zhaku.net/";
Partitë më të mëdha opozitare kanë kërkuar dorëheqjen e qeverisë edhe falje publike për këtë skandal.
Prokuroria publike evropiane, me qendër në Luksemburg, në qershor të këtij viti filloi hetimet me fokus mashtrimet që përfshijnë buxhetin e unionit dhe ka deleguar prokurorë në shtetet anëtare.
Beteja kundër korrupsionit ishte thelbësore gjatë përpjekjeve të suksesshme të Kroacisë për t’u anëtarësuar në Bashkimin Evropian në vitin 2013.