Administrata kineze për hapësirën kibernetike ka prezantuar një plan për reduktimin e kohës së qëndrimit të fëmijëve në smartphone.Në rregullore thuhet se fëmijët nuk duhet ti përdorin telefonat nga ora 22 e mbrëmjes deri ne 6 te mëngjesit.
Autoritetet kineze kane theksuar në rregullore se fëmijët e moshave 16-18 vjeç mund ta përdorin internetin vetëm 2 orë në ditë, ndërsa grupmosha 8-15 vjeç vetëm një orë. Për te miturit nën moshën 8-vjeçare koha është edhe më e limituar, vetëm 40 minuta.
Ndërkohë nga rregulli mund të përjashtohen vetëm disa shërbime si për shembull aplikacionet të cilat janë për zhvillimin fizik dhe mendor të fëmijëve.
Këto kufizime përbëjnë përpjekjen e fundit të Pekinit për ta luftuar varësinë ndaj internetit, një shqetësim veçanërisht për të rinjtë dhe fëmijët.
Autoritetet kineze kanë thënë se, diskutimet publike për këtë propozim do të mund të zhvillohen deri më 2 shtator, por nuk dihet se ende se kur do të nisë zbatimi I kësaj nisme.