Vijojnë luftimet mes Armenisë dhe Azerbajxhanit.
Që prej orës 00:05 të së hënëse, e deri sot, nga lufta mes dy shteteve janë vrarë gati 100 ushtarë, të konfirmuar këto edhe nga vendet respektive.
Kështu, kryeministrja e Armenisë, Nikol Pashinyan pohoi se 49 ushtarë të vendit të saj vdiqën në përleshjet gjatë natës, ndërsa ministria e mbrojtjes e Azerbajxhanit tha se 50 ushtarë të saj u vranë gjithashtu.
Vendet fqinje kanë luftuar dy luftëra dhe kanë parë përleshje të rregullta më të vogla prej tre dekadash.
Armenia fillimisht tha se luftimet ishin qetësuar, në vend që të kishin përfunduar plotësisht. Më vonë, Azerbajxhani tha se kishte përfunduar objektivat e tij pas “provokimeve” nga fqinji i tij.
Në thelb të mosmarrëveshjes është rajoni i Nagorno-Karabakut. Është, sipas kufijve të njohur ndërkombëtarisht, pjesë e Azerbajxhanit, por është e populluar nga armenë etnikë, raporton BBC.
Ndarja kulturore shtrihet përtej politikës në fe, gjithashtu: Armenia është një vend me shumicë të krishterë, ndërsa Azerbajxhani është kryesisht mysliman.
Të dy vendet ishin pjesë e Bashkimit Sovjetik përpara shpërbërjes së tij në fund të vitit 1991.
Mosmarrëveshja ka çuar në luftë në shkallë të gjerë në vitet 1980 dhe 1990, një luftë gjashtë-javore në 2020 dhe përplasje të vazhdueshme për dekada.