“Luftimet në Ukrainë do të ndalen kur Perëndimi ta marrë seriozisht Rusinë”

Kremlini këtë të premte ka deklaruar se konflikti në Ukrainë do të përfundojë kur Perëndimi të ndërmarrë veprime lidhur me shqetësimet e ngritura vazhdimisht nga Rusia për vrasjen e civilëve në lindje të Ukrainës dhe zgjerimin e NATO-s drejt lindjes.

Mediat e huaja bëjnë me dije se duke iu përgjigjur pyetjes sesi mund të përfundojë kriza, zëdhënësi i Kremlinit, Dmitry Peskov,përcaktoi pozicionin e Rusisë dhe tha se besonte që Ukraina po diskutonte për kërkesat e Moskës me Shtetet e Bashkuara dhe aleatët e tjerë.

“Rusia formuloi kërkesa konkrete ndaj Ukrainës për t’i zgjidhur këto çështje. Me sa kuptojmë, ato kërkesa po diskutohen nga ukrainasit me këshilltarët e tyre, kryesisht Shtetet e Bashkuara dhe vendet e Bashkimit Evropian”, tha ai.