Presidenti francez Emmanuel Macron, i cili kohët e fundit ka dalë në pah me deklaratat e tij se Evropa mund të ndërhyjë drejtpërdrejt në terren në luftën Rusi-Ukrainë, nuk tërhiqet nga retorika e tij, megjithëse ndaj fjalëve të tij reaguan disa nga aleatët e tij evropianë.
Në një deklaratë për gazetën Le Parisien të vendit të tij, Macron argumentoi se Perëndimit do t’i duhej të kryente një operacion tokësor në Ukrainë “në një moment”.
“Ndoshta në një moment, nuk e dua këtë, nuk do të marr iniciativën, por do të duhet të kryejmë operacione në terren, pavarësisht se i kundërvihemi forcave ruse”, tha Macron,.
“Forca e Francës është se ne mund ta bëjmë këtë”, shtoi ai.
Duke argumentuar se shumë vende evropiane mbështesin qasjen e Francës për këtë çështje, Macron tha: “Ne jemi të përgatitur për të gjitha llojet e skenarëve”. /vizionplus.tv