Banorët kundër vaksinave në një fshat në Guatemalën rurale kanë sulmuar infermieret që po përpiqeshin të injektonin dozat kundër Covid-19.
Ekipi i vaksinuesve u mbajt peng për rreth shtatë orë në fshatin Nahuila, në provincën e Alta Verapaz, në veri të qytetit të Guatemalës.
Fshatarët thanë se nuk donin të vaksinoheshin. Ata bllokuan një rrugë dhe shpuan gomat e makinës së infermierëve.
Policia dhe zyrtarët lokalë negociuan më vonë për lirimin e tyre.
Zyrtarët thanë se kishin hasur më parë në fshatra që refuzuan ekipet e vaksinimit, por Gabriel Sandoval, drejtori i Departamentit të Shëndetësisë krahinore, tha se ishte hera e parë që ata përballeshin me një kundërshtim të tillë fizik.
“Shumë njerëz nuk besojnë në prezencën e sëmundjes. Ka një përplasje të kulturave”, tha Sandoval.