Bashkimi Evropian do të japë 400 milionë euro ndihmë financiare për Slloveninë, e cila është prekur nga përmbytjet shkatërruese. Lajmi u njoftua nga presidentja e Komisionit Evropian, Ursula von der Leyen.
“Ne do të ndajmë 400 milionë euro nga Fondi i Solidaritetit, 100 milionë këtë vit dhe 300 milionë vitin e ardhshëm”, tha von der Leyen para gazetarëve.
Qeveria sllovene do të jetë gjithashtu në gjendje të tërheqë 2.7 miliardë euro ndihmë financiare nga Fondi i Gjeneratës së ardhshme të BE-së dhe të ridrejtojë 3.3 miliardë euro nga Fondi i Kohezionit.
Fatkeqësitë natyrore kanë vrarë të paktën 6 persona. Kryeministri slloven deklaroi se dhjetëra mijëra shtëpi janë përmbytur dhe dhjetëra mijëra familje në dëshpërim po pyesin se si do të mbijetojnë në javët dhe muajt e ardhshëm.