Rreth 500 njerëz janë mbledhur në Romë, në Piazza Bocca della Verità, për të protestuar kundër asaj që ata e quajnë “diktaturë shëndetësore”.
“Maskat duhet të hidhen: në këtë nxehtësi ato janë një terren ushqyes për mikrobet para gojës dhe hundës.” Kështë u shpreh Pasquale Mario Bacco, mjek dhe studiues, anëtar i shoqatës ‘L’Eretico’, i cili ishte sot në Romë për të protestuar kundër masave anti-covid.
“Ne nuk jemi mohues të virusit, siç na kanë cilësuar. Nuk është e nevojshme që maskat të mbahen në ambiente të jashtmë. Ato duhet të përdoren vetëm nëse qëndroni në kontakt me të sëmurët dhe të moshuarit, të cilët janë shënjestra e këtij virusi. Pyes veten: cili është kuptimi i mbajtjes së maskës pas orës 6 të mbrëmjes? Është një virus, jo një mushkonjë”, shtoi ai.
Duhet të specifikohet se detyrimi për të mbajtur maskën pas orës 18:00 vlen vetëm për vendet ku ekziston rreziku i grumbullimit të njerëzve. Ky orar u zgjodh sepse pikërisht rreth asaj ore, njerëzit, sidomos të rinjtë, dalin për të bërë shëtitje. Kjo protestëse u organizua kryesisht nga partia e ekstremit të djathtë “Forza Nuova”, së bashku më ata që kanë dalë kundër masave antiCovid.
Qindra njerëz protestojnë në Romë: Le t’u themi jo maskave dhe vaksinave shkruan Vizion Plus.