Samiti i 30 i Organizatës për Siguri dhe Bashkëpunim në Evropë që po mbahet në Shkup të Maqedonisë së Veriut ka nisur punimet këtë të enjte me pjesëmarrjen e diplomatëve të 57 vendeve anëtare.
Në samit po merr pjesë për herë të pas nisjes së luftës në Ukrainë edhe ministri i Jashtëm rus, Sergei Lavrov. Pjesëmarrja e tij ka nxitur debate dhe reagime të shumta. Ukraina dhe vendet baltike kanë bojkotuar takimin, duke mos dërguar në Shkup asnjë përfaqësues.
Punimet e Samitit nisën jozyrtarisht të mërkurën në mbrëmje, me një darkë joformale dhe fotografi familjare, në qendër të së cilës ishte sekretari amerikan i Shtetit, Antony Blinken, por jo ministri i Jashtëm rus, Sergei Lavrov.
Organizimi ishte në mënyrë të tillë që kryediplomatët amerikan dhe rus të mos takoheshin me njëri-tjetrin. Gjatë orëve të para të mëngjesit kur Lavrov mbërriti në rajon, Blinken u largua për në Lindjen e Mesme.
Përpara largimit, Blinken u takua me ministrin e punëve të Jashtme të Maqedonisë së veriut, të cilin e falënderoi për kryesimin e suksesshëm të OSBE, ndërsa nuk bëri asnjë koment për pjesëmarrjen e Lavrov.
Ndryshe nga Blinkën përfaqësuesi i lartë i BE për politikën e jashtme, Josep Borrell, foli për praninë e përfaqësuesit rus.
JOSEP BORRELL
SHEF I DIPLOMACISË EUROPIANE
“Ministri i Jashtëm i Rusisë, Sergei Lavrov, duhet të dëgjojë nga pjesëmarrësit në Këshillin Ministror të OSBE-së në Shkup se pse Rusia është e izoluar dhe e sanksionuar dhe duhet t’ia përcjellë mesazhet Kremlinit. Unë e kuptoj që disa vende pjesëmarrëse nuk ishin të kënaqura me vendimin megjithatë pjesëmarrja e Lavrovit është në përputhje me qëllimin tonë të përbashkët, për të mbajtur gjallë multilateralizmin.”
Advertisementgoogle_ad_client = "ca-pub-9470492314070355"; google_ad_slot = "5632655076"; google_ad_width = 300; google_ad_height = 250; google_page_url ="http://www.zhaku.net/";
Njësoj si sekretari amerikan i shtetit, edhe Josep Borrell u largua nga Shkupi gjatë mbrëmjes së të mërkurës për të shmangur praninë e tij në të njëjtën sallë me kryediplomatin rus.