Beiruti përfshihet nga protestat antiqeveritare pas zemërimit në rritje kundër zyrtarëve të lartë që nuk arritën të shmangin shpërthimin tragjik në port.
Qindra demostrues u mblodhën para parlamentit, ku nuk munguan as përleshjet me forcat e sigurisë libaneze të cilët përdorën gazin lotësjellës për të shprëndarë turmat.
Ata i vune zjarrin disa objekteve në rrugë, ndërsa forcat e policisë qëndronin para parlamentit në mbrojtje të ndërtesës.
Protestuesit bënë përgjegjëse qeverinë për shpërthimin e 4 gushtit që la mbi 157 persona të vdekur dhe plagosi 5 mijë të tjerë, ndërsa më shumë se 500 mijë kanë mbetur të pastrehë. Ata madje kanë nisur një peticion me mbi 40 mijë firma ku kerkohet vendosja e Libanit nën administrimin francez për 10 vitet e ardhshme.
Zemërimi në rritje i qytetërve vjen pasi sasia prej 2,750 tonë nitrat amoni ruhej në një depo në portin e Bejrutit pa masa sigurie.
Ndërkohë autoritetet libaneze kanë deklaruar se gjatë ditëve të ardhshme do të gjejnë shkaktarët e tragjedisë, ndërsa aktualisht janë arrestuar 16 zyrtarë me akuzën e shpërdorimit të detyrës dhe 2 të tjerë kanë dhënë dorëheqjen
Tragjedia në Liban ndodh në një kogë që vendi po kalon njëherësh krizën më të rëndë ekonomike që nga lufta civile në vitet 1975-1990.
Shpërthejnë protestat në Bejrut/ Njerëzit të zemëruar akuza qeverisë për tragjedinë shkruan Vizion Plus.