Doza përforcuese e vaksinës së Pfizer, është 95.6 për qind efektive në parandalimin e Covid-it simptomatik.
Në këtë përfundim kanë arritur studimet e zhvilluara në dy laboratorë nga kompanitë Pfizer dhe Biontexh, tek 10 mijë njerëz mbi moshën 16 vjeçare.
Vaksina ju dha si dozë e tretë, njerëzve që kishin kompletuar regjimin prej dy dozash. Sipas kompanive, doza kishte rikthyer mbrojtjen kundër sëmundjes në nivelet e 95.6 për qind, krahasuar me ata që nuk e kishin marrë dozën përforcuese.
Kompanitë thonë se kanë në plan t’ia dorëzojnë informacionet FDA-së amerikane, Agjencisë Europiane të Barnave dhe rregullatorëve të tjerë. Mosha mesatare e pjesëmarrësve në studim ishte 53 vjeç.
Një sërë shtetesh kanë nisur tashmë aplikimin e dozës së tretë për të forcuar imunitetin që sipas të dhënave bie me kalimin e muajve. Në SHBA doza përforcuese po jepet për grupmoshën mbi 65 vjeçare dhe persona të tjerë të rrezikuar, ndërsa ne Izrael po aplikohet tek e gjithë popullsia mbi 12 vjeç.