Për të dytën ditë radhazi, mijëra njerëz marshuan në rrugët e qyteteve amerikane, duke protestuar kundër sjelljes së dhunshme të policisë. Tubimet pasuan publikimin e një videoje që tregon 5 oficerë në qytetin jugor amerikan Memfis duke dhunuar për vdekje 29-vjeçarin afrikano-amerikan Tyre Nichols.
Protestuesit u mblodhën në Nju York, Atlanta, Boston, Los Angeles, San Francisco dhe Portland duke ngritur pankarta që mbanin emrin e 29-vjeçarit dhe duke bërë thirrje për t’i dhënë fund abuzimeve me autoritetin.
Ndërkohë Departamenti i Policisë së Memfisit ka shpërbërë të ashtuquajturën njësi speciale “Scorpion”, oficerët e së cilës akuzohen për vrasjen e afro-amerikanit, Tire Nichols.
Njësia në fjalë përbëhet nga 50 persona, me mision uljen e nivelit të krimit në zona të veçanta. Por tani ajo është duke u shfuqizuar pas publikimit te videos e cila u bë virale në rrjete sociale.
Familja e viktimës e mirëpriti vendimin, duke e quajtur atë të përshtatshëm, të denjë dhe të drejtë për të gjithë qytetarët e Memfisit.