Kryetari i partisë E majta, Dimitar Apasiev në konferencë për shtyp nuk u shpreh i kënaqur me modelin zgjedhor duke thënë se për OBRM-PDUKM-në dhe LSDM-në një deputet është 7.000 vota ndërsa për ne është 19 mijë vota.
“Shihni ironinë, Aleanca dhe Alternativa, të cilët kanë fituar dyfish më shumë se ne, kanë 6 herë më shumë deputetë mandate se sa ne”, thotë Apasiev, njofton Telegrafi Maqedoni.
Sipas tij, ky model zgjedhor është model skizofrenik, që nuk mund të mbijeton dhe që falsifikon vullnetin e qytetarëve.
“Do të propozojmë një njësi zgjedhore”, tha mes tjerash Apasiev.
Ai tha se për momentin po ndodh vjedhja më e madhe e votave që nga pavarësimi i vendit, dhe se partisë së tij i vidhen vota në njësinë zgjedhore numër 2, në 4-se dhe mandati i dytë në njësinë zgjedhore numër 1.
“Dyshojmë se rreth 10 mijë vota minimum, E majta është e dëmtuar në këto zgjedhje”, tha Apasiev./Telegrafi/
Apasiev: Do të propozojmë një njësi zgjedhore, ky model falsifikon vullnetin e qytetarëve shkruan Telegrafi.