Eurokomisari për buxhet dhe administratë, Johanes Han, deklaroi se Ballkani Perëndimor i takon Evropës dhe përpjekjet e vendeve nga ky rajon do të shpërblehen.
Ai për gazetën kroate “Ekspres” theksoi se integrimi i Ballkanit Perëndimor në BE paraqet proces, i cili bazohet mbi merita dhe si i tillë është në interes të vërtetë për Unionin.
“Bëhet fjalë për ‘eksport të stabilitetit në vend të import të jostabilitetit’”. theksoi Han, i cili është edhe eurokomisar i mëparshëm për zgjerim.
Ai “miqve nga Ballkani” u dërgon porosi që të vazhdojnë me reformat drejt rrugës evropiane dhe për këtë do të ketë mirënjohje.
Han përkujtoi se muajin e kaluar BE-ja vendosi të hapë negociata inkuadruese me Maqedoninë e Veriut dhe Shqipërinë edhe krahas krizës për shkak të pandemisë me koronavirusin.
Eurokomisari shtoi edhe se BE-ja me riprogramimin e mjeteve financiare dhe masave shtesë, siç është heqja e ndalesës për eksport të mjeteve mjekësore, qartë tregoi se Ballkani Perëndimor i takon BE-së.