Zëdhënësja e LSDM-së, Bogdanka Kuzeska tha se regjistrimi i popullsisë është i rëndësishëm për zhvillimin e shtetit dhe ky regjistrim do të mbahet në prill të vitit 2021.
“Me propozim-ligjin për regjistrimin e popullsisë që është në procedurë kuvendar, mundësuam zbatimin e regjistrimit të popullsisë sipas standardeve më të larta të BE-së, operacion statistikor që do të realizohet nga Enti Shtetëror për Statistika. Me Propozim-ligjin, kemi për qëllim që këtë operacion statistikor asnjëherë të mos trajtohet si çështje politike, por vetëm si operacion statistikor”, tha Kuzeska.
Sipas saj, regjistrimi nuk do të varret nga vullneti i partive politike dhe kryetarëve të partive.
“E pamë atë qasje të OBRM-PDUKM-së kur organizoi regjistrim në vitin 2011 dhe dështoi. Edhe sot kjo parti bën që regjistrimi të mos mbahet. OBRM-PDUKM vazhdon në Kuvend të sillet në mënyrë destruktive dhe të papërgjegjshme. Me mijëra amendamente nga OBRM-PPDUKM dhe opozita në Kuvend pengojnë rregulloren që kanë për qëllim të sigurojnë punën nga larg për deputetët që janë në izolim për shkak të COVID-19”, tha Kuzeska.
Ajo tha se LSDM përmes shumicës kuvendare në Kuvend është e gatshme në procedurë kuvendare të shqyrtohen amendamentet e propozuara nga opozita me qëllim që të sigurohet ligj më cilësor./Telegrafi/
Kuzeska: Regjistrim të popullsisë do të ketë në vitin 2021, është interes shtetëror shkruan Telegrafi.