Fëmijët e vegjël, madje edhe foshnjat në ditët e sotme janë shumë të ekspozuar ndaj rrjeteve sociale.
Çdokush prej tyre, ka në dispozicion një telefon, tablet, apo ekranin e një televizori, ku qëndrimi është për orë të zgjatura.
Ekranet me prekje, ngjyrat dhe lëvizja janë triniteti që ngjall interesin e tyre por ekspertët po japin alarmin për këtë gjendje.
Terapisti profesional, biologu dhe autori Chris Rowan, ka shkruar në Huffington Post, dhjetë arsyet pse teknologjia funksionon negativisht në zhvillimin e foshnjës sonë:
-Teknologjia dëmton zhvillimin e shpejtë të trurit për fëmijët 0 deri në 2 vjeç.
-Teknologjia kufizon lëvizjen, dhe në këtë mënyrë çon në zhvillim fizik të vonuar.
-Përdorimi i televizionit dhe videolojërave shoqërohet me rritjen e obezitetit.
– 75% e fëmijëve që përdorin teknologjinë në dhomën e tyre, kanë gjumë të pamjaftueshëm.
– Abuzimi me teknologjinë është një faktor në depresionin, ankthin dhe sëmundjet e tjera mendore të fëmijëve.
-Imazhet e dhunshme mund të çojnë në rritjen e agresivitetit tek fëmija.
-“Dementia dixhitale”: media dixhitale mund të çojë në ulje të përqendrimit dhe kujtesës.
– 10% e fëmijëve të moshës 8-18 vjeç janë të varur nga teknologjia.
-Në maj 2011, Organizata Botërore e Shëndetësisë i klasifikoi telefonat celularë dhe pajisjet e tjera pa tela si rrezik 2B (d.m.th. ndoshta kancerogjen) për shkak të rrezatimit që ato lëshojnë.
-Mënyra se si rriten dhe edukohen fëmijët përmes teknologjisë nuk është e qëndrueshme.