Vaksinimi i operatorëve turistik, shifrat e ulëta të rasteve të reja si dhe asnjë kufizim në kufi për shtetasit e huaj, e ka kthyer vendin tonë ndër destinacionet e preferuara për të kaluar pushimet verore.
Turistë të huaj të ardhur nga vende te ndryshme europiane, por edhe më gjerë tashmë e kanë futur Durrësin në axhendën e tyre për të kaluar disa ditë pushimi. Operatorët turistik thonë se ky sezon po sjell fluks turistësh përtej pritshmërive që ata kishin, ku mbi 60% e kapaciteteve turistike janë ezauruar.
Ndryshe nga vitet e kaluara, ku rezervimet bëheshin muaj më parë, aktualisht rezervimet më të mëdha bëhen një javë para nisjes.
Krahas pushuesve nga Kosova, Maqedonia e Veriut të cilët mbajnë dhe peshën më të madhe, numrit më të larë të turistëve të huaj që zgjedhin të pushojnë në Durrës e mbajnë turistët nga Izraeli, Ukraina, Polonia, Cekia, së fundmi edhe nga Serbia.