Ish-deputetit të LSI-së në Berat, Gledhion Rahovicës iu hoq mandati nga Komisioni Qendror i Zgjedhjeve në vitin 2017, pasi sipas dokumenteve të prokurorisë italiane ishte dënuar për vjedhje. Rehovica disa javë më parë bëri të ditur se ai nuk do të jetë më pjesë e Lëvizjes Socialiste për Integrim, por do t’i bashkohej Partisë Socialiste.
I ftuar në Spotlight nga Alban Dudushi, në Vizion Plus, Rahovica deklaroi se i gjithë procesi ka qenë një thikë pas shpine e dirigjuar politikisht.
“Për mua ka qenë një thikë pas shpine e dirigjuar politikisht. Një vendim i marrë politikisht, kur t gjithë anëtarët e KQZ-së së dikurshme na kanë dhënë të drejtë “jemi në presion dhe s’kemi ç’bëjmë” thoshin.
Ka qenë e dirigjuar politikisht nga fillimi deri në fund. Ligji e përcakton qartë se si duhet të iniciohet një verifikim. Të më thotë dikush se si është iniciuar dhe ka filluar verifikikmi im… që nuk ka.
Në qoftë se ka një letër apo document në prokurori mbi të cilin është bërë bazuar Prokuroria apo KQZ-ja për të më hequr mandatin…”