Ish-kryeministri i Kosovës, Albin Kurti shprehet se këtë të martë u bënë dy vjet nga protesta më e madhe e periudhës së pasluftës.
Përmes një postimi në “Facebook”, Kurti shkruan se në atë kohë, i gjithë vendi po jehonte nga thirrjet: “Një populli s’i nënshtrohet një njeriu”.
Ndër të tjera, Kurti përcjell mesazhin se ata që duan ta ndajnë Kosovën, ndahen nga Kosova.
“Dy vjet u bënë sot nga protesta më e madhe e Kosovës së pasluftës. Sheshet “Skënderbeu” e “Ibrahim Rugova” si dhe bulevardi “Nëna Tereze” në Prishtinë ishin mbushur përplot me qytetarë sa s’zinte më. I gjithë vendi po jehonte: “Një popull s’i nënshtrohet një njeriu”. Mbrohej republika dhe kundërshtoheshin planet e bisedimet me Serbinë për ndarjen e Kosovës, që herë quhej “shkëmbim territorial”, herë “razgraničenje”, e herë “korrigjim kufiri” me “kompromis të dhimbshëm”. Ata që duan ta ndajnë Kosovën, ndahen nga Kosova”, shkruan Kurti.
Advertisementgoogle_ad_client = "ca-pub-9470492314070355"; google_ad_slot = "5632655076"; google_ad_width = 300; google_ad_height = 250; google_page_url ="http://www.zhaku.net/";
Albin Kurti: Ata që duan ta ndajnë Kosovën, ndahen nga Kosova shkruan Vizion Plus.