Kreu i Partisë Demokratike Sali Berisha ka bërë sërish thirrje për protestë.
Përmes një deklarate për shtyp, Berisha ftoi të gjithë qytetarët të mblidhen këtë të hënë, në 17:0, përpara parlamentit.
Prania e sa më shumë qytetarëve, sipas Berishës do t’i jap përgjigjen e merituar ‘regjimit’.
“Qytetarë dhe qytetare, zëri juaj dhe prania juaj ka rëndësi vendimtare për demokracinë në Shqipëri. Duhet të bashkojmë forcat tona për t’i dhënë përgjigjen e merituar këtij regjimi që nuk meriton asnjë ditë.
Ju e shihini, ata që u strukën në vrima miu në datën 11 shkurt, ata që postuan video të regjistruara kohë më parë, tani dalin nga vrima e miut ku ishin futur dhe tallen me qytetarët. Ky është morali i tyre, karakteri i tyre. Ndaj dhe sot në ora 5, ju ftoj të gjithëve para parlamentit, të dëgjohet zëri juaj, në sallë dhe jashtë sallës, zëri i popullit opozitar.”– tha Berisha.