Një 40-vjeçar shqiptar është akuzuar se ka goditur me grusht gruan e tij pasi ajo, sipas tij nuk kryente punët e shtëpisë.
Megjithatë ai nuk ka marrë ende një dënim pasi gjykata e shtypu çështjen deri në gjetjen e një përkthyesi të përshtatshëm i cili do të ndihmojë viktimën e dhunës.
Bëhet fjalë për një ngjarje të ndodhur disa ditë më parë në familjen shqiptare që jetonin në Volos.
Gruaja ka dëshmuar se bashkëshporti i saj është kthyer nga puna në gjendje të dehur, e ka dhunuar psikologjikisht e fizikisht ndërsa në inat e sipër e ka kapur edhe nga dora për t’ja thyer.
Ka qenë pikërisht një fqinj që i ka ardhur në ndihmë shqiptares duke telefonuar policinë e cila ka mbërritur menjëherë në vendin e ngjarjes dhe ka arrestuar burrin.
Më vonë gruaja ka dëshmuar se është dhunuar sistematikisht prej vitesh por ka vendosur të flasë vetëm tani.