70% e mollëve në fushën e Devollit po shiten për industrinë e përpunimit të frutave. Një gjë e tillë ka ardhur për shkak të dëmtimit nga breshëri në përqindje të madhe të prodhimit të këtij viti.
Kjo ka bërë që vetëm 30% e mollëve të fermerëve të kësaj fushe të shitet si mollë konsumi, ndërkohë që pjesa tjetër po shitet për lëngje.
Fermerët thonë se kostoja e prodhimit për 1 kilogram mollë shkon nga 17 deri në 20 lekë/kg, ndërkohë që ata janë të detyruar ta sheshin për industrinë përpunuese në vendet e tjera me një çmim prej 3 lekësh kilogrami.
Mos shitja e prodhimit sipas tyre edhe për mungesë tregu ndodh prej tre vitesh.
Fermerët bëjnë me dije se nuk janë dëmshpërblyer për sipërfaqet e dëmtuara nga breshëri edhe në kushtet kur ka patur komisione për verifikimin e dëmeve nga ana e bashkisë së Devollit dhe Agjencia Rajonale e Ekstencionit Bujqësor Korçë.
Sinkrone
I kontaktuar kryetari i bashkisë së Devollit, Eduard Duro, ka bërë me dijë se janë verifikuar të gjitha sipërfaqet e dëmtuara dhe materialet janë dërguar tek ministria e linjës. Për kryebashkiakun Duro është shumë e rëndësishme që fermerët të aplikojnë për mbështetje financiare me qëllim mbulimin e pemëtoreve me rrjetat antibreshër, si dhe të sigurojnë sipërfaqet e tyre.