“Diploma nuk mund të jetë peng”, është kjo një ndër thirrjet e studentëve të Fakultetit të Mjekësisë kundër projektligjit të qeverisë. Studentë me bluza të bardha po marshojnë drejt parlamentit duke protestuar kundër vendimit të qeverisë, i cili parashikon që studentët e mjekësisë duhet të shërbejnë 5 vite në Shqipëri në mënyrë që të mund të marrin diplomën e tyre.
Ata shprehen se ky vendim shkel të drejtat e tyre dhe i kushtëzon.
Nga ana tjetër qeveria shprehet se studentët kanë në dorë që të zgjedhin nëse duan të nënshkruajnë marrëveshjen apo të paguajnë tarfiën e plotë të shkollimit të tyre.
Projektligji parashikon që studentët e vitit të parë duhet të punojnë 5 vite, studentët nga viti i dytë deri në të katër tre vite, ndërsa nga nga viti i pestë dhe i gjashtë, dy vite.