Zbulohen detaje të reja në lidhje me ekzekutimin e 25-vjeçarit Xhuljan Bullari, i cili u gjet i vdekur në Babicë të Vlorës.
Dyshohet se Bullari u qëllua nga pasagjeri me të cilin po udhëtonte në automjet. Policia ka shoqëruar disa persona, që dyshohet se kanë dijeni mbi ngjarjen.
I riu u gjet i vdekur nga banorët e zonës mëngjesin e së shtunës, në aksin Vlorë-Babicë, në një makinë tip ‘Fiat Punto’ me targa false, që rezulton në pronësi të një gruaje.
Sipas ekspertizës mjeko ligjore, 25-vjeçari dyshohet se ka ndërruar jetë rreth orës 21.00 të mbrëmjes së të premtes.
Xhuljan Bullari, nga Elbasani, por banues në Babrru, u qëllua 3 herë me pistoletë nga krahu i pasagjerit, por një plumb e kapi në kokë, duke i shkaktuar vdekjen e menjëhershme.
Familjarët e viktimës deklaruan më herët e djali i tyre kishte dalë pasditen e së premtes për një kafe, por nuk u kthye më.
Viktima Xhuljan Bullari ishte arrestuar më herët nga policia pasi kishte tentuar që të kalonte në kufi disa shtetas sirianë.