Vendet e Vishegradit, Polonia, Republika Çeke, Sllovakia dhe Hungaria janë të palëkundura në mbështetjen e tyre për anëtarësimin e vendeve të Ballkanit Perëndimor në BE, deklaroi ministri i Jashtëm polak, Zbigniew Rau pas bisedimeve që u zhvilluan në Rogalin, Polonia Perëndimore.
”Vendet e Ballkanit Perëndimor janë të shqetësuara në lidhje me pranimin e tyre të zgjatur në BE”, tha ai.
“Unë shpreha mbështetjen e palëkundur të Polonisë për zgjerimin e BE, të cilën ne e ndajmë me anëtarët e V4-s”, tha Rau.
“Zhgënjimi i treguar dhe shprehur nga Ballkani Perëndimor përkrahet edhe nga ne, ministrat e Jashtëm të V4-s”, theksoi ai.
Rau shtoi se vonesat në procedurën e pranimit të vendeve të Ballkanit Perëndimor ishin në interes të “palëve të treta”, axhenda e të cilave nuk parashikonte anëtarësimin e tyre të shpejtë në BE.
”Kjo axhendë nuk ka asgjë të përbashkët me harmoninë shoqërore dhe stabilitetin politik”, deklaroi ai.