Kryetari i Partisë së Lirisë Ilir Meta ka deklaruar se është e domosdoshme për SPAK e institucionet e drejtësisë të vazhdojnë punën për të zbardhur përgjegjësit e aferës së inceneratorëve.
Në një dalje për media nga selia e partisë, Meta tha se përgjegjësit e kësaj afere janë në krye të qeverisë.
Kreu i PL-së thotë se duhet të shpëtohet sa më shumë të jetë e mundur paraja publike.
“Qytetarët e Tiranës dhe jo vetëm vazhdojnë e paguajnë për një shërbim që nuk jepet për një shërbim që nuk ekziston. Është e domosdoshme për SPAK e institucionet e drejtësisë të vazhdojnë punën për të zbardhur përgjegjësit e aferës së inceneratorëve që janë në krye të qeverisë, më i plotëfuqishmi që garantoi 17 leje në më pak se një orë mbledhje qeverie. Të shpëtohet sa më shumë të jetë e mundur paraja publike dhe taksat e qytetarëve që paguhen dhe tani që ne flasim.”, tha Meta.