Një aksident ka ndodhur paraditen e kësaj të premteje në aksin rrugor Korçë – Maliq, në vendin e quajtur “Gryka e Pocestes” në afersi të një pike karburanti.
Ne aksident janë përfshirë një autobus i linjave ndërkombëtare, një autobot karburanti dhe një automjet i cili ndodhej i parkuar në anë të rrugës.
Sipas policisë, mjeti autobot ka dalë nga pika e karburantit për në rrugën nacionale kur është goditur nga autobusi i linjave ndërkombëtare i cili po udhëtonte nga Korça ne drejtim te Tiranës.
Pas përplasjes me autoboti e karburantit drejtuesi i autobusit duke manovruar ka goditur edhe një mjet tjetër të parkuar në të djathtë të rrugës nacionale dhe me pas me murin mbrojtës të këtij aksi.
Nga goditja ka mbetur i plagosur rëndë drejtuesi i autobusit dhe për fatin e mirë nuk ka pasur asnjë pasagjer të lënduar.
Është dashur ndërhyrja e shërbimit zjarrfikëse për të bere te mundur nxjerrjen e drejtuesit të mjetit i cili ndodhet në spitalin e Korçës në gjendjen të rëndë.