Kryeministri Edi Rama ka komentuar mbi situatën e krijuar këtë të hënë në Kuvendin e Shqipërisë, ku seanca plenare për projektbuxhetin u shoqërua me tymuese dhe protestë nga opozita. Ai i akuzon këta të fundit se futën në Kuvend fjalorin dhe sjelljet e rrugës, duke mbjellë sherr e korrur dhunë.
Rama thotë se shkak i kësaj sjelljeje të opozitës është fakti se ata kanë prekur fundin dhe po përdoren për interesa personal.
“I futën fjalorin e sjelljet e rrugës në politikë, ndërsa politikën e hodhën në mes të katër rrugëve, duke mbjellë sherr, rrëmujë, dhunë dhe korrur humbje, humbje, humbje… Tanimë kanë prekur fundin, ku i ka marrë me vete halli i një të kërkuari nga drejtësia, që nuk do t’i lëshojë derisa të shkërmoqen e të ridalin copa e çika mbi ujë, si mbeturinat e një anijeje të mbytur”, shkruan ai.
Deputetë të opozitës bllokuan zhvillimin normal të seancës plenare, duke ndezur tymuese dhe grumbulluar karriget pranë foltores. Situata e dalë jashtë kontrollit solli edhe mbylljen e seancën plenare, duke mos diskutuar për projektbuxhetin për vitin 2024.
I futën fjalorin e sjelljet e rrugës në politikë, ndërsa politikën e hodhën në mes të katër rrugëve, duke mbjellë sherr, rrëmujë, dhunë dhe korrur humbje, humbje, humbje… Tanimë kanë prekur fundin, ku i ka marrë me vete halli i një të kërkuari nga drejtësia, që nuk do t’i… pic.twitter.com/pdjq7NiIVp
— Edi Rama (@ediramaal) November 20, 2023