Reshje dëbore në zonat malore të juglindjes së vendit. Reshje qe kanë qënë më të dendura në Devollin e Sipërm në bashkinë e Devollit si dhe në fshatra të njësisë administrative Vithkuq.
Burimet zyrtare bëjnë me dije se në aksin rrugor Boboshticë-Dardhë në Majë të Mashkullorës trashësia ka shkuar deri në 15 cm. Reshje të dendura dëbore ka pasur në aksin Vithkuq-Shtyllë- Mashkullorë, ku trashësia ka shkuar nga 15-20 cm.
Dëbora ka përfshirë edhe fshatra të bashkive Kolonjë e Pogradec, por trashësia e saj nuk ka shkuar më shumë se 5 cm. Zyra e emergjencave civile në Prefekturëne Korçës bën me dije se nuk ka probleme përsa i përket qarkullimit të mjeteve edhe në akset rrugore përshi edhe ato të fshatrave turistike të Dardhës e Viskopojës, pasi firmat kontraktore kanë bërë pastrimin dhe kriposjen e rrugëve.
Gjithashtu nga ana e Prefekturës bëhet e ditur se vazhdon të ketë probleme me furnizimin me energji elektrike në disa fshatra të qarkut të Korçës.