Grupi hetimor nga të dhënat paraprake dyshon se objektiv i masakrës në lokal në zonën e “Don Boskos” në Tiranë ka qenë daja i vëllezërve Erion dhe Blerim Çela.
Bëhet fjalë për 41-vjecarin e plagosur në këtë ngjarje, Edmond Crroj me origjine nga Dibra, I cili është me precedente jashtë vendit në fushën e trafikut të lëndeve narkotike .
Autorët dyshohet se i kanë ndjekur prej kohësh lëvizjet e tij dhe kanë pritur rastin që të gjendej bashkë me dy nipërit.
Në vendngjarje policia nuk ka gjetur asnjë gëzhojë. Të gjitha kanë mbetur në makinën e autorëve. Kjo gjë ka përforcuar dyshohet e hetuesve se vrasësit janë profesionistë.
Edmond Crroj bashkë me nipërit e tij, vëllezerit Erion Cela ( Viktima) dhe Blerim Cela ( I plagosur) ishin në tavolinë me mikun e tyre nga Durrësi Arben Dani.
Plumbat e kallashnikovit që erdhën nga jashtë nga një makinë e zezë Benz e-class në ecje e siper, qëlluan për vdekje 35-vjecarin Erion Cela ndërsa mbeten të plagosur, vëllai i tij Blerim Cela, daja I tij Edmond Crroj, miku i vet Arben Dani si dhe 19-vjecari Azbi Selimaj I cili ishte ulur në një tavoline ngjitur me objektivat e atentatit.
Atentatoret që erdhën nga zona e spitalit të Traumes, janë larguar sërish në të njëjtën zonë, pa u kapur dot.
Të plagosurit fatmirësisht janë jashtë rrezikut për jetën.