Nëse keni blerë një kupon të vjetër për pajisjen me dokumentet e identifikimit biometrik ai nuk është i pavlefshëm.
Mjafton të paraqiteni në çdo zyrë të Postës Shqiptare dhe kuponin e vjetër e shndërroni me një të ri, pa asnjë pagesë shtesë.
Nga sot në zyrat e Postës Shqiptare janë në shitje edhe kuponët për shërbimin me procedurë të përshpejtuar, pra marrjen e pasaportës për dy deri në tre ditë pas aplikimit.
Prej një gushtit dokumentet e identifikimit si kartat dhe pasaportat biometike prodhohen nga kompania shtetërore “IdentiTek”.
Ministri i Brendshëm Taulant Balla ishte në një nga zyrat e saj ku beri edhe rinovimin e pasaportës së tij biometrike.
Kalimi nga privati te shteti nuk solli ndryshim te çmimit për dokumentet e identifikimit.
Kartat dhe pasaportat kanë të njëjtën vlerë, përkatësisht 1500 dhe 7500 lekë.