Policia e Shtetit goditi sot një rast të mashtrimit kompjuterik.
Në pranga përfunduan Qirjako Topi, 21 vjeç dhe Igen Basha, 18 vjeç ndërsa u proceduan penalisht pesë të tjerë, mes të cilëve dy shtetas të huaj.
Sipas policisë, në bashkëpunim me njëri-tjetrin ata u vidhnin të dhënat e kartave bankare shteasve të huaj e më pas i përdornin ato për blerje online. Të rinjtë merrnin kryesisht telefona celularë.
Mashtrimi u zbulua pas denoncimit të bërë nga një kompani celulare, të cilës i ishte shkaktuar një dëm prej afro 33 milione lekësh.
Advertisement
Gjatë kontrolleve në disa banesa, policia gjeti dhe sekuestroi disa telefona celulare, laptopë, dokumente, si dhe fatura të ndryshme bankare.
