Drejtuesit e mjeteve taksi 4+1 në Shkodër e nisën ditën me protestë.
Ata thone se prej vitesh po përballen me konkurencën e pandershme që po i çon drejt falimentit dhe kërkojnë që policia bashkiake dhe ajo e shtetit të luftojnë informalitetin.
“Informaliteti në radhë të parë, vendet e makinave se ne vijmë këtu dhe nuk kemi ku të rrimë. Na i zënë gjithmonë.”
Taksistët thonë se janë taksapagues të rregullt ndaj kërkojnë që strukturat vendore dhe qëndrore të reagojnë.
“Ne paguajmë 10 mijë lekë taksa, a ka mundësi të marrim një zgjidhje për këtë situatë. Pushteti vendor duhet të reagojë. Është e disata herë që ankohemi për këtë gjë”.
Protesta të tilla drejtuesit e këtyre mjeteve kanë zhvilluar edhe herë të tjera, si dhe janë pritur në takime nga përfaqësues të pushtetit vendor dhe policisë, por zgjidhja ka munguar.