Policia në Tiranë ka vënë në pranga një person që qarkullonte me armë zjarri me vete si dhe pasagjerin që ai kishte në automjet.
Me finalizimin e operacionit të koduar “Tracing”, u arrestua S. B., 34 vjeç, banues në Shkodër, për veprën penale “Mbajtja pa leje dhe prodhimi i armëve, armëve shpërthyese dhe i municionit. Ky i fundit ishte duke lëvizur në afërsi të kryqëzimit të Laprakës, me një automjet tip “Volksëagen”, ku kishte dhe armën e zjarrit tip kallashnikov.
Po ashtu, në pranga u vu edhe S. T., 32 vjeç, banues në Tiranë, për veprën penale “Moskallëzimi i krimit”, person me precedent të mëparshëm kriminal në fushën e krimeve ndaj jetës, pronës dhe armëmbajtjes pa leje.
Automjeti me të cilin ata po udhëtonin u ndalua në rrugën “Dritan Hoxha”, në afërsi të kryqëzimit të Laprakës. Gatë kontrollit të automjetit, u gjet dhe sekuestrua, në cilësinë e provës materiale, një armë zjarri kallashnikov, një krehër dhe municion luftarak.