Presidenti i Azerbajxhanit Ilham Alijev është pritur sot edhe nga kryeministri Edi Rama.
Përmes një postimi në rrjetet sociale, Rama bën me dije se diskutoi me presidentin Azer, për projektet e përbashkëta në fushën e energjisë, me fokus gazifikimin e vendit.
Kryeministri sqaron më tej se me Alijev ështe folur edhe për ndërtimin e një rafinerie ultramoderne, e cila do t’i japë fund varësisë së vendit tonë nga nafta e importit.
“Me Presidentin e Azerbaixhanit, mikun e dashur Ilham Aliyev, patëm sot një bashkëbisedim si gjithmonë shumë miqësor, por edhe vërtetë të dobishëm për projekte të përbashkëta në fushën e energjisë, që nga nisja e programit të gazifikimit me investim të Azerbaixhanit, i cili do të nisë me një bashki që do të përcaktohet në një nga pikëkontaktet me TAP-in deri tek vendosja e piketave konkrete, për ndërtimin e një rafinerie ultramoderne, e cila do t’i japë fund edhe varësisë së vendit tonë nga nafta e importit”, shkruan Rama.