Presidenti Bajram Begaj e konsideron si ngjarje të madhe historike mbajtjen e Samitit të Procesit të Berlinit në Tiranë. Në një reagim, Begaj i uron mirëseardhjen liderëve të lartë të BE dhe Rajonit që do të jenë prezentë në këtë samit.
“Mbajtja ne Tiranë sot e Samitit të Procesit të Berlinit është një ngjarje e madhe historike për rrugëtimin evropian të Shqipërisë dhe rajonit. I uroj mirëseardhjen dhe punime të mbara delegacioneve pjesëmarrëse”, shkruan Begaj në reagimin e tij.
Procesi i Berlinit u krijua nga ish-kancelaria gjermane Angela Merkel, në vitin 2014 si një mekanizëm për të ndihmuar vendet e Ballkanit perëndimor të integrohen sa më shpejt në Bashkimin Europian e për të forcuar bashkëpunimin rajonal. Por ky samit mbahet në sfondin e tensioneve mes Serbisë e Kosovës të cilat u ashpërsuan pas sulmit terrorist të 24 shtatorit.