Pas më shumë se 4 orë debate, Komisioni për sistemin TIMS miratoi planin e hetimit.
Për shkak të debateve që shpoqëruan mbledhjen e Komisionit, kryetari demokrat Ervin Salianji dhe anëtarët e opozitës vendosën që të mbështesin planin e propozuar nga Partia Socialiste duke gjetur kështu një formulë kompromisi.
Në bazë të këtij plani, në Komisionin Hetimor për ndërhyrjet në sistemin TIMS do të dëshmojnë figurat kryesore të policisë së Shtetit.
Në listën e dëshmitarëve është ministri i Brendshëm Taulant Balla, drejtori i Përgjithshëm i Policisë së Shtetit, Muhamet Rrumbullaku, drejtori i Agjencisë së Mbikëqyrjes Policore si dhe disa drejtues dhe ish-drejtues në Policinë e Shtetit.
Lista e plotë
Taulant Balla, ministër i Brendshëm,
Muhamet Rrumbullaku, drejtori i Përgjithshëm i Policisë së Shtetit
Florjan Sulejmani, drejtor i Përgjithshëm i Agjencisë së Mbikëqyrjes Policore
Ardi Veliu, ish-drejtor i Përgjithshëm i Agjencisë së Mbikëqyrjes Policore
Saimir Boshnjaku, drejtor i departamentit për Kufirin dhe Migracionin
Zef Laska, drejtor i burimeve njerëzore në Policinë e Shtetit
Neritan Nallbati, drejtor i departamentit të policisë kriminale
Dorjan Tola, ish-drejtor i AKSIK (Autoriteti Kombëtar për Sigurinë e Informacionit të Klasifikuar)
Ervin Muça, ish-drejtor i departamentit të IT në Policinë e Shtetit
Ervina Gjana
Besjon Donuzi
Enri Ndoni
Ardit Muça
Besnik Dervishi, drejtor i përgjithshëm i doganave
Autoriteti Kombëtar i Ushqimit
Inspektoriati Shtetëror Shëndetësor
Agjencia e Inteligjencës dhe Sigurisë së Mbrojtjes
Drejtori i Përgjithshëm i Parandalimit të Pastrimit të Parave.