3 personat që u arrestuan në Portin e Durrësit pasi në kontenierët me banane u gjetën 33.5 kg kokainë kanë dalë përpara gjykatës për tu njohur me masën e sigurisë.
Nën akuzë janë administratori i kompanisë së bananeve, Petrit Demishaj, dhe dy punonjësit e skanerit të Portit të Durrësit Alban Naziraj dhe Artur Sevdaraj.
Hetuesit kanë prova se këta persona në bashkëpunim me njëri-tjetrin kanë bashkëpunuar për trafikun e kokainës përmes bananeve Bana-King.
Ndërkohë policia ka shpallur në kërkim edhe pronarin e firmës së njohur Trifon Murataj.
Dy punëtorët e skanerit arritën që të nxirrnin të pastër ngarkesën, e cila më pas do të merrej nga Demishaj. Por, policia kishte informacione për sasinë e kokainës dhe arritën që të zbulojnë sasinë e radhës në bananet BanaKing.
Anija ishte nisur nga Ekuadori, ndaloi në Panama dhe më pas u nis drejt Italisë. Pas një qëndrimi në shtetin fqinj mbërriti në Shqipëri.
Kompani që tregton BanaKing është e njohur jo vetëm për tregun e bananeve, por për shkak se gjatë vitit të fundit është kapur në Portin e Durrësit disa herë me sasi të mëdha kokaine.