Gjykata e Posaçme la në burg 6 personat e arrestuar këtë të enjte, për prodhim dhe shitje lëndësh narkotike në formën e grupit të strukturuar kriminal.
Bëhet fjalë për 4 sera kanabsi të zbuluara në fshatin Rërëz të Beratit, ku pas operacionit të SPAK u zbuluan më shumë se 870 kilograme kanabis në nëntor të vitit 2022.
Prokuroria thotë se për realizimin e këtij aktiviteti të paligjshëm autorwt rekrutuan 95 gra nga qyteti dhe rrethinat e Beratit, të cilat i paguanin 500 lekë dita.
Ato flinin në sera pasi personi që dyshohet se është organizator Sadetin Hasaj kishte krijuar edhe fjetore brenda ambienteve ku kultivohej lënda narkotike.
Por Prokuroria nuk arriti të arrestonte 3 persona të tjerë duke i shpallur ata në kërkim.
Ndaj tyre është caktuar masa e sigurisë “burg pa afat”.
Nga ky operacion u sekuestruan edhe armë zjarri dhe pajisje të cilat shërbenin për paketimin e lëndës narkotike./vizionplus.tv