Shoqëria serbe është tronditur nga një vetëvrasje krejt e pashjegueshme. Milica Mrkela, 16 vjeçe, e konsideruar si një talente e basketbollit serb, u gjend e vetëvarur në Batajnica, në një prej qosheve të shtëpisë familjare.
Ajo ishte lojtare e Partizanit të Beogradit, gjithnjë në fokus të mediave sportive vendase, pasi konsiderohej e ardhmja e basketbollit serb për femra, një sport që i ka dhënë emër në botë Serbisë.
Për shkak të talentit të saj ajo u përfshi që 15 vjeçe në ekipin e parë.
Sipas Kurir, trupi i adoleshentes u gjet nga nëna e saj.
Thuhet gjithashtu se ajo ishte dhe një studente e shkëlqyer, me një jetë tejet normale, larg çdo problemi personal apo familjar.
Adoleshentja thuhet se i kërkoi gjyshes së saj që t’i bënte petulla, doli më pas të shëtiste me qenin dhe, pak kohë më vonë trupi i saj u gjet i varur.