Gjykata e Kurbinit ka dënuar me burgim të përjetshëm Eduart Lamajn, të akuzuar si autorin e vrasjes së Bujar Likës dhe Paulin Gjergjit.
Gjithashtu mësohet se është dënuar me 33 vite burg Ilir Lika (Xhepaj), i cili është njëri nga bashkëpunëtorët e Eduart Lamajt.
Eduart Lamaj, nga fshati Sanxhak i Kurbinit akuzohet si pjesë e një grupi vrasësish me pagesë që kanë marrë para për ekzekutimin e dy biznesmenëve Bujar Lika dhe Paulin Gjergji, më 30 maj të 2020-ës në Laç.
Ai u arrestua nga policia teksa merrte mjekim në ambientet e një klinike private në zonën e “Qytet Studentit”, ndërsa Lika u kap në zonën e Yzberishtit në Tiranë.
Për këtë ngjarje janë shpallur në kërkim Klaudio Përkola dhe Oltion Vlashi, të cilët ende nuk janë vënë në pranga.
Dyshohet se ekzekutimi i biznesmenëve është bërë nga Eduart Lamaj, ndërsa tre personat e tjerë kanë qenë ndihmës në krim.