Zgjerohet gjatë natës vatra e zjarrit në Malin e thatë i cili ka prekur edhe Parkun Kombëtar të Galiçicës.
Sipas të dhënave një grup pune prej 10 vetash ka shkuar që në orët e para të mëngjesit drejt vatrës, ndërsa janë nisur edhe punonjës të zjarrfikëses, emergjencave civile, ndërmarrjes së punëve publike, nga zonat e mbrojtura dhe vullnetarë, banorë të zonës.
Sipërfaqja e përshkruar është e madhe dhe zjarri po i afrohet pyjeve me dushk.
Është kërkuar ndihmë edhe në komunën e Ohrit por deri tani nuk ka asnjë konfirmim nëse kanë nisur forca njerëzore.
Prej 4 ditësh flakët vijojnë të jenë aktive në këtë zonë ndërsa në 24 orët e fundit për shkak të erës ka marrë përhapje të madhe.
Zjarri mendohet se është i qëllimshëm i vendosur nga barinjtë e zonës së Malit të Thatë për kullota të reja, por ka dalë jashtë kontrollit.