Profesori Graham Cooke, specialist i sëmundjeve infektive në Kolegjin Imperial të Londrës, ka analizuar gjendjen post-mortem të pacientëve që kanë humbur jetën nga virusi, shkruajnë mediet britanike, transmeton lajmi.net.
Rezultatet treguan qartazi se të gjithë pacientët me Covid-19 kishin një formë tromboze, term mjekësor për përshkrimin e mpikjes së gjakut.
Ndonëse mpiksja e gjakut mund të mos ketë qenë shkaku i drejtpërdrejtë i secilit vdekje – por gjetjet, të cilat ende nuk janë publikuar, mbështesin teorinë se Covid-19 shkakton komplikime vaskulare.
Edhe pse koronavirusi konsiderohet një sëmundje e frymëmarrjes që sulmon mushkëritë, në raste të rënda mund të dëmtojë edhe organet e tjera.
Mpiksja e gjakut është shfaqur si një nga shumë komplikimet befasuese dhe ka çuar në testimin e një ilaçi të krijuar për të ndaluar bllokimet e venave. /Lajmi.net/