Ajo është kthyer tashmë në një nga këngëtaret më të pëlqyera për publikun shqiptar. Është fjala për Diona Fona, e cila mëngjesin e sotëm ishte e ftuar në emisionin “Wake Up”.
Gjatë bisedës me Orin dhe Islin, Diona foli për këngën e saj më të re me titullin “Baje”, e cila vjen si një mesazh për të gjithë ata që gabojnë në dashuri.
Gjithashtu dy moderatorët e njohur e ngacmuan Fonan, duke e pyetur atë se kë do zgjidhte mes dy këngëtarëve Gjiko dhe Ylli Limani. Ajo ka bashkëpunuar herë pas here për tekstet e saj me të dy, e si pasojë ishte paksa e vështirë zgjedhja.
“Kam bashkëpunime me të dy dhe e kam shumë të vështirë të zgjedh njërin prej tyre. Të dy janë shumë të mirë në punët e tyre. Gjiko ka punuar me mua që prej fillimit në këngën time të parë, Yllin e njoh shumë gjatë, prej shumë kohësh”- përfundoi ajo duke mos preferuar t’i ndajë ato.
Ndërsa duke folur për karrierën e saj dhe qëllimet që ka, Dona tregoi se dëshiron të hyjë në tregun ndërkombëtarë.
“Po punoj shumë për tregun ndërkombëtarë…dhe bashkëpunimi im i ëndrrave është me Ed Sheeran. Nëse bashkëpunoj me të do të thotë që e kam arritur objektivin tim, e adhuroj”, tha bukuroshja.