Rita Orën vazhdon ta ndjekë fati i keq që kur theu rregullat e Covid për ditëlindje. Ajo udhëtoi drejt Egjiptit pa kryer tampon dhe organizoi një festë me 30 miq për ditëlindjen e saj, duke mos ruajtur në këtë mënyrë as distancën fizike. Lajmi bëri bujë në mediat e huaja dhe Rita u detyrua të kërkojë falje. Madje këngëtarja pagoi edhe 10 mijë pound gjobë.
Më pas radio britanike “Exe” vendosi të mos transmetojë më këngët e Ritës, për shkak të veprimit të saj.
Këngëtarja fitoi edhe“çmimin” për sjelljen më të keqe të vitit së bashku me disa personazhe të tjerë.
Tani bëhet e ditur se Rita është përjashtuar edhe nga programi “The Masked Dancer”, në të cilin ishte pjesë e jurisë. Sipas një burimeve të “The Sun” këngëtarja është larguar menjëherë pas thyerjes së rregullave në ditëlindjen e saj.
Sipas “The Sun” këngëtarja ka kohë që është larguar nga programi dhe emisionet e fundit kanë qenë të regjistruara, sepse ajo është larguar menjëherë pas thyerjes së rregullave për ditëlindjen e 30-të./ Living