Pas COVID-19, situata në klubin e Malagas nuk është aspak e mirë. Futbolli në Spanjë ndaloi e kjo ka sjellë probleme financiare për shumë klube.
Edhe skuadra e Malagas, ku luajnë dy futbollistët kuqezi Armando sodiku dhe Keidi Bare ka probleme për shkak të situatës.
Në një njoftim zyrtare, skuadra që militon në Divizionin e Dytë në Spanjë e ku luajnë dy lojtarë të Kombëtares Shqiptare, njoftoi se do të detyrohet të paraqesë një plan pushimesh kolektive nga punë, i domosdoshëm “për të siguruar vijimësinë e Malagas”. Shoqëria andaluze thotë se plani i reduktimit të punonjësve synon të zvogëlojë shpenzimet e klubit, por mbetet të shihet se kush dhe si do të ndikohet nga kjo masë.
E kualifikuar deri në çerekfinalen e Champions League në vitin 2013, por e rënë nga elita e futbollit spanjoll në vitin 2018, skuadra andaluze ka qenë nën mbikëqyrjen e autoriteteve tatimore pasi një gjyqtar spanjoll shkarkoi presidentin e saj, sheikun e Katarit, Abdallah ben Nasser al -Thani, dhe tre fëmijët e tij nga menaxhimi financiar i klubit në muajin shkurt.