Fernando Alonso mund të jetë rikthimi i bujshëm në Formula 1 për botërorin e ardhshëm. Lajmin e bëri të ditur menaxheri i tij Flavio Briatore, i cili theksoi se piloti spanjoll, dy herë kampion bote, mund të rikthehet te ish skuadra e tij Renault për vitin e ardhshëm.
Alonso, që u largua nga bota e Formula 1 në vitin 2018, pas katër viteve me skuadrën e Mclaren gjatë dy viteve të fundit ka qenë i impenjuar me garat e Indy dhe Rally Dakar ku gjithashtu ka arritur jo pak suksese, shkruan Supersport.
Rikthimi i tij në Formula 1 e mbi të gjitha te skuadra franceze mund të jetë një reklamë e jashtëzakonshme për këtë sport e mbi të gjitha për makinën e Renault për të thitur më tepër të ardhura dhe në aspektin e marketingut. 39-vjeçari, që ka fituar dy tituj botëror në vitet 2005 dhe 2006 duket se po mendon seriozisht rikthimin në njëvendëshet e Formula 1 dhe një lëvizje konkrete mund të bëhet në ditët në vazhdim nga ana e palëve.