Pas fitores së kampionatit në derbi, Simone Inzaghi është çmendur nga gëzimi dhe shijon triumfin duke bërë lëvdata për lojtarët e tij.
Inter mposhti Milanin në derbi me rezultatin 1-2 të hënën mbrëma, duke qendisur kështu yllin e dytë në fanellë.
“Është një ndjenjë e mrekullueshme, ne kemi bërë diçka të pabesueshme dhe është e drejtë ta ndajmë me shumë njerëz, ka shumë protagonistë të kësaj fitoreje. Lojtarët e mi në radhë të parë, pastaj klubi dhe presidenti që ishte gjithmonë i rëndësishëm dhe i pranishëm.
Tani kemi një sezon për të përfunduar në mënyrën më të mirë të mundshme dhe për ta nderuar. Ne e dominuam kampionatin, me meritë dhe tani është e drejtë ta shijojmë sepse kemi punuar shumë për ta fituar. Ishte një ndeshje e luftuar dhe e drejtë. Më vjen keq për pesë minutat e fundit në të cilat situata u nevozua.
Në këtë klub gjeta lojtarë që më dhanë gjithçka, është e drejtë të ndaj Inter me botën. Të gjithë kontribuan në këtë objektiv, djemtë ishin të jashtëzakonshëm. Ishte një udhëtim i mrekullueshëm. Më duhet të falenderoj Lazio sepse më dha mundësinë të filloj këtë gjë. Inter ka qenë një dëshirë e imja për karrierën time, dhe ja ku jam sot, me një skuadër e klub të mrekullueshëm dhe duke fituar trofe.