Katër persona, tre prej të cilëve policë janë lënduar në një aksident trafiku që ka ndodhur sonte në rrugën kryesore Ohër-Strugë, në udhëkryqin për në fshatin Strugë Misleshovë, ka konfirmuar për MPB-në zëdhënësi i SPB- së Ohrit, Stefan Dimoski.
Sipas tij, aksidenti ka ndodhur në ora 17:33 mes automjeteve të pasagjerëve “Ford” me targa të Shkupit, në pronësi të MPB-së dhe “Opel” me targa të Strugës, në pronësi të një 52-vjeçari nga Struga.
Në aksident lëndime trupore ka pësuar vozitësi i veturës “Opel”, të konstatuara në Qendrën mjekësore në Strugë. Pasagjerët në automjetin e policisë të moshës 28 dhe 29 vjeçare, të dy nga Shkupi, si dhe një 31-vjeçar nga Kumanova, janë transferuar në spitalin “Shën Erazmo” në Ohër për ofrimin e ndihmës mjekësore. Do të pasojnë informata shtesë për shkakun e lëndimeve të tyre, tha Dimoski.
Ekipet e policisë po kryejnë këqyrjen e vendit të aksidentit.(Struga Ekspres)