Kandidati i pavarur për Komunën e Strugës, Mendi Qyra, takim me qytetarët në Podgorc: “Hallet janë të shumta, por dëshira për ndryshim është më e madhe”
Në një atmosferë të ngrohtë dhe miqësore, kandidati i pavarur për Komunën e Strugës, Mendi Qyra, zhvilloi një takim me banorët e fshatit Podgorc. Mes një kafeje dhe një bisede të këndshme, qytetarët ndanë shqetësimet e tyre të përditshme, problemet infrastrukturore dhe sfidat me të cilat përballen çdo ditë.
“Është e qartë se hallet dhe ankesat janë të shumta, por ajo që më la përshtypje është forca e brendshme e njerëzve këtu dhe dëshira e madhe për një ndryshim të vërtetë, për një të ardhme më të denjë”, u shpreh Qyra pas takimit.
Ai theksoi se zëri i çdo qytetari ka rëndësi dhe se ndryshimi fillon pikërisht nga dëgjimi i atyre që për vite me radhë janë ndier të harruar.
